鹹蛋王@Freshlane (已結業)

如果你有印象之前我介紹過Freshlane呢個品牌，就應該對呢個概念稍有認識，唔再多介紹。喺呢個共用商業廚房，你可以試到好多唔同品牌嘅食品，上次食完勝利牛丸，今次試呢個鹹蛋王。有朋友食過外賣話幾好，咁就試下。醬油豬飯都好有韓風，個醬油汁勁濃，可惜我番工食lunch，如果唔係送啤酒真係一流。個飯都有唔少配菜，洋蔥點左醬油汁更加好食，另外好健康咁有勁大件青瓜同蕃茄，仲有一隻好靚嘅太陽蛋，賣相味道都一流。朋友點了椒鹽豬飯，賣相一樣好好，不過佢又係太快，無影就先食。邪惡咸蛋醬雞翼好好食，個咸蛋醬唔會好咸，唔會令你食完飽到叫救命個隻，太好食，都無即刻影相。總體水準都高，呢邊冇乜比較decent嘅外賣選擇，價錢又唔貴，可惜喺呢度返工嘅日子比較少，唔係一定有機會再食。