Dozo 迴轉壽司 (已結業)

之前食過擺花街0個間迴轉壽司,覺得不錯,星期六咁0岩要去IFC睇戲, 順理成章落中環食飯,係地鐵站見到有廣告話開多間分店做任食放題,咁試下訂檯食啦,去到見係FOODCOUNT格局已經打左個折喇,座低聽完個WAITRESS介紹之後想ORDER壽司啦,點知個WAITRESS話唔可以寫ORDER紙, 只可以攞迴轉上面0個D壽司,嘩,0個D邊係壽司呀, 我以為係DISPLAY黎咋,明顯已經擺左好耐啦,D三文魚邊已經乾哂,吞拿魚又綑哂黑邊,D所謂冷麵個蓋又"濛"哂水蒸氣, 我地覺得真係不能接受,唯有轉場啦,點知WAITRESS話D野飲已經沖好哂,無得CANCEL喎,咁點呀,唯有每人用$20一杯既價錢飲佢杯檸檬荼啦!仲要比加一添呀!