影片
更多
2024-04-09
27 浏览
星期日晚同朋友睇完戏，想揾个舒服嘅环境食下野，倾下偈，即时醒起Alchemy ORIGIN。始终系商业区，又系周末，所以餐厅人流冇平时咁旺，不过对我地黎讲，成个环境就好舒服啦！之前饮过佢地嘅咖啡，谂住咁夜，唔饮咖啡住，改饮朱古力，点知店员话所有朱古力类6点几已卖晒，唯有下次再试啦。上次试过冷泡咖啡，系正嘅，今次试Espresso Tonic。—Espresso Tonic—咖啡果酸香郁，混合Tonic水一齐，意外地夹，几醒神。—烤鸡菠萝汉堡配柠檬醋酱及焗薯—份量颇大。面包香软，烤鸡厚肉又大块，调味香浓，有肉汁，配上菠萝、蕃茄、生菜，层次丰富，加埋柠檬乳酪醋酱，都几开胃，而配料系焗薯。分别喺荃湾同鲗鱼涌嘅分店都食过法式西多士，本身打算再回味下，但又想试下新野，所以今次甜品决定点另一款。—生酮Tiramisu 卷蛋—卷蛋嘅质地好湿润，包住丰厚、顺滑嘅cream，一入口已经食到好香浓嘅咖啡味，唔错。—牛油果青瓜蕃茄沙律伴芝士配柠檬醋酱—清沙律清新、新鲜，牛油果够大粒。柠檬醋酱非常开胃，不过唔够多，我之后再问店员拎，佢哋都非常友善，再拎俾我。建议喺落单时，喺选项可以点额外嘅酱。
始终系商业区，又系周末，所以餐厅人流冇平时咁旺，不过对我地黎讲，成个环境就好舒服啦！之前饮过佢地嘅咖啡，谂住咁夜，唔饮咖啡住，改饮朱古力，点知店员话所有朱古力类6点几已卖晒，唯有下次再试啦。上次试过冷泡咖啡，系正嘅，今次试Espresso Tonic。
—Espresso Tonic—
咖啡果酸香郁，混合Tonic水一齐，意外地夹，几醒神。
—烤鸡菠萝汉堡配柠檬醋酱及焗薯—份量颇大。面包香软，烤鸡厚肉又大块，调味香浓，有肉汁，配上菠萝、蕃茄、生菜，层次丰富，加埋柠檬乳酪醋酱，都几开胃，而配料系焗薯。
分别喺荃湾同鲗鱼涌嘅分店都食过法式西多士，本身打算再回味下，但又想试下新野，所以今次甜品决定点另一款。—生酮Tiramisu 卷蛋—
卷蛋嘅质地好湿润，包住丰厚、顺滑嘅cream，一入口已经食到好香浓嘅咖啡味，唔错。
—牛油果青瓜蕃茄沙律伴芝士配柠檬醋酱—清沙律清新、新鲜，牛油果够大粒。柠檬醋酱非常开胃，不过唔够多，我之后再问店员拎，佢哋都非常友善，再拎俾我。建议喺落单时，喺选项可以点额外嘅酱。
张贴
