牧羊少年咖啡館 (香港單車館) (已結業)

上次同朋友喺呢度食过午餐，都觉得呢呢间餐厅既环境同食物都不错！咁啱有朋友生日，就谂住今晚去试吓系呢间餐厅度食晚餐！我哋一早已经打电话嚟book咗位，所以一去到唔使等后就可以入餐厅坐低！原来夜晚同日头嘅感觉又好唔同啦，可能日头注重嘅就系欣赏出边湖边嘅景色，夜晚反而突显出餐厅嘅优雅气氛！跟住我哋就嗌嘢食啦，我哋嗌左日式大阪烧风味烟三文鱼薄饼、美式窝夫配雪糕、明太子鲜虾意大利粉、炸鸡翼、牛柳粒、酸忌廉薯条，除咗酸忌廉薯条嘅忌廉酱有点淡，其他嘢食都好味，不得不推荐嘅就系日式大阪烧风味烟三文鱼薄饼，真系觉得好好味，佢好似平时我哋食章鱼小丸子嘅味道，但原来变成Pizza都系另一种好食既口味质感，食完一件，忍唔住都会再食多一件！