Saloon (已結業)

又一城行街行到攰攰地，見到呢間野唔洗等位，於是就決定入去坐下飲杯野。呢間野幾有趣，事關佢一半係髮型屋一半係小型Wine Bar加餐廳。由於唔太肚餓，所以就只點了飲品，佢有隻礦泉水，見到個樽好靚，所以就叫咗一支有汽的來試下。好多時D Sparkling礦泉水有D咸味，不過呢隻無乜，幾好，飲完之後我仲問店員可唔可以拿走個樽，因為靚，所以想拿回家裝水飲。另外呢度都有好多紅酒同白酒，可以現場飲或者買走，下次開Party前又多一個地方選擇。一邊坐，一邊都有人來叫外賣，似乎是又一城其他舖頭返工的人，D意粉炒得好香，下次真係要試一試。臨走的時候才見到呢度原來有魚子醬食，魚子醬加酒，真係好High的High Tea。