老徐記芝士榴槤餅 (已結業)

去太子站B出口一出去，咁啱今日喺長榮大廈做facial，見到有間黃色超搶眼嘅食店，老徐記芝士榴槤。榴槤愛好者嘅我梗係即刻9秒九試吓，叫咗至尊榴槤 $52，強烈建議兩個人食一個因為都真係好大件，類似脆脆地嘅餅外脆入邊都幾軟熟有榴槤餡同埋芝士，都做到拉絲效果。即叫即做，食落去熱辣辣不過稍嫌榴槤嘅味道唔算太重，岩普通人口味，如果好鍾意食榴槤嘅話就有少少失望，佢哋寫住100%採用新鮮嘅水果，不過52蚊一個性價比就見人見智了。 另外芒果味唔建議，同芝士唔太夾，同唔夠熱，榴蓮焗完會熱d