影片
更多
2015-08-12
2916 浏览
我跟朋友隨意挑選呢間，因為睇comment都好似唔差..如果論環境可以望到維港確實不錯..happy hour飲兩杯傾下計都可以，但如果食晚飯真係奉獻各位另覓其他地方!服務：我100分既禮貌+態度去點餐同問飲品介紹，而那位男侍係黑著臉+冷淡既態度回應我，果種感覺好似要受佢氣咁...心諗佢可能心情唔好！算數！幫佢搵埋藉口.由於set dinner係唔包餐飲，但至少坐低都應該俾杯水飲下..收埋晒杯...要order先會斟杯出黎俾你食物：大部份西餐廳Set dinner 通常會包餐飲或甜品，可以二揀一選擇，但呢間唔包餐飲，迫你要食甜品,男仔一般都不喜歡甜品，響無得選擇之下，男仔友人唯有浪費個甜品...重點黎喇！有圖有真相!!!!!!這個竟然係$328既"安格斯肉眼扒"...朋友同我一睇以為呢塊係豬扒 !（其他朋友淨睇相睇都以為係豬扒）....一切落去，已經好多筋，好艱切...當食一囗.....嘩~完全係雪味+霉爛既味道，我同朋友即刻吐出黎，朋友係一個冇要求既人都哽唔落口 (真係可以"難食到嘔"黎形容!!!!)... 可想而知呢塊根本就係街市買到既普通牛扒，$328呢個價錢可以去港式餐廳鋸扒好
我跟朋友隨意挑選呢間，因為睇comment都好似唔差..如果論環境可以望到維港確實不錯..happy hour飲兩杯傾下計都可以，但如果食晚飯真係奉獻各位另覓其他地方!
服務：
我100分既禮貌+態度去點餐同問飲品介紹，而那位男侍係黑著臉+冷淡既態度回應我，果種感覺好似要受佢氣咁...心諗佢可能心情唔好！算數！幫佢搵埋藉口.
由於set dinner係唔包餐飲，但至少坐低都應該俾杯水飲下..收埋晒杯...要order先會斟杯出黎俾你
食物：
大部份西餐廳Set dinner 通常會包餐飲或甜品，可以二揀一選擇，但呢間唔包餐飲，迫你要食甜品,男仔一般都不喜歡甜品，響無得選擇之下，男仔友人唯有浪費個甜品...
重點黎喇！
有圖有真相!!!!!!
這個竟然係$328既"安格斯肉眼扒"...朋友同我一睇以為呢塊係豬扒 !（其他朋友淨睇相睇都以為係豬扒）....一切落去，已經好多筋，好艱切...當食一囗.....嘩~完全係雪味+霉爛既味道，我同朋友即刻吐出黎，朋友係一個冇要求既人都哽唔落口 (真係可以"難食到嘔"黎形容!!!!)... 可想而知呢塊根本就係街市買到既普通牛扒，$328呢個價錢可以去港式餐廳鋸扒好過，仲有得找!!!!......我唔知係supplier 欺騙餐廳話係安格斯扒，定係間餐廳欺騙我地...根本就係街市牛扒!!!!...完全侮辱我地既味蕾.....最後即時要求換了另一份美式黑豬扒，雖則豬扒味道不差，但已經影響這頓晚餐既心情......
美式黑豬
82 浏览
0 赞好
0 留言
张贴
