漢記牛什粉麵茶餐廳 (已結業)

繼楊記麵家於4月結業，羅坤發粉麵又在5月結業，漢記牛什現在又疑似6月結業，2011年攪咩呀? 粉麵業大災難 !? 我係喺漢記班沙腩打入CNN美食榜之後先識得去漢記食牛腩 ga，試過漢記嘅班沙腩、爽腩，簡直有相逢恨晚嘅感覺。我唔敢講漢記好食過中環、天后、大埔嘅牛腩專門店，但漢記嘅牛腩喺我心中係香港number 1，漢記又就腳、又易搵位。 漢記結業 confirm 唔 confirm 呀? 好擔心呀! 去漢記食牛有分崩沙腩、坑腩、爽腩、牛三寶(筋、肚、腩)、牛什，悉隨尊便。 崩沙腩、坑腩係同價，賣貴d 嘅; 爽腩、牛腩平d。 荷包鬆d果日，我會叫崩沙腩，如果賣哂，漢記會提議你食爽腩。 如果無講明要什麼牛腩，漢記會比最瘦果part 你，瘦腩比較諧，所以，由於爽腩、牛腩係同價，講明要爽腩正好多!崩沙腩通常有兩層膠質筋膜，爽腩就通常只有一薄薄一層筋膜，煙韌得來好爽! 超正! 牛筋、牛肚個人認為一般，牛什我個人好少食，無意見。 因為牛腩太正，未有胃口試魚旦，又係無意見。 不過，我好confirm 湯米粉太硬，試過三次叫湯米粉都好後悔，唯有豪d 叫魚麵配靚牛腩。