人人和平小飯店

营业中

休息中

每次去到啲将叉蛋饭写成黯然销魂饭嘅食店，猴子都好想讲：「叉蛋饭就叉蛋饭喇！黯咩然销咩魂饭吖！」不过既然呢个名称咁有香港本土特色，所以人情上都应该支持吓。人人和平小饭店嘅叉烧据称系攞过奖嘅，猴子亦觉得佢哋嘅叉烧的确松软嫰滑，而蜂蜜嘅甜味同叉烧嘅肉味亦系配搭得相当好，绝对值得帮亲。不过今次有少少失望嘅系煎蛋，因为蛋黄煮得太熟，啲蛋黄汁唔够多，原本叉烧白饭捞上蛋黄系呢个黯然销魂饭嘅精髓所在，家阵就好似差咁啲。下次再叫应该要提提厨房唔好煎咁熟只蛋，咁就应该好食好多。