越之味 (德民街) (已結業)

我地兩個人嗌左慢煮燒牛肉法包同蟹膏燒牛肉米卷。法包好快出餐，切成兩等分，兩人分享啱啱好。法包咬落外皮唔算脆，但勝在餡料層次豐富，有酸酸甜甜既醃白蘿蔔條，紅蘿蔔絲，洋蔥，生菜以及慢煮牛肉片。佢哋嘅醃白蘿蔔條非常爽口，甜味足得黎又唔會膩，配搭法包同埋牛肉岩岩好。如果法包外皮再脆小小會更加出色。蟹膏燒牛肉米卷好特別，平日好少食到蟹膏米紙卷。全部米卷上都有蟹膏醬做topping，蟹膏醬味道鹹鮮，不過只得第一啖有醬既米紙卷先有味道， 淨低嘅部分冇沾上醬汁，味道偏淡。不過睇在埋單86蚊份上，算係唔錯。