更多
2020-06-27
30 浏览
今日嚟到西环打边炉，估唔到西环竟然有间坐得舒服，环境又好嘅火锅店！呢间系楼上铺，入到去劲宽躺，我哋两个人坐呢个窗边嘅卡位超阔落！啱晒情侣黎打边炉，静静地又舒服。首先入到去服务劲好，有围裙附送，唔惊整污糟件衫。而且服务员会即刻攞碗糖水话俾我哋暖下胃先！可以一路食一路等个炉滚。呢度点餐都好方便，系用QR code，而且所有食物都可以点半份，可以试多几样！汤底方面，梗系要试佢呢度出名嘅麻辣锅，我哋点左鸳鸯锅，另一款就拣咗猪骨汤底。(汤底 每位$38)见到啲辣椒铺就满晒，超级正！啱晒钟意食辣嘅人！麻辣锅嘅麻辣好香，不过真系几辣架，但系食得好过瘾，配牛肉食好正。猪骨汤就鲜甜，清清地。因为可以嗌半份，所以我地嗌左超多样𩠌，劲丰富！🤩个人强烈推介嫩牛肉同埋大刀牛肝😋😋美国安格斯优质肥牛半份 $119晓宇嫩牛肉半份 $42牛肉部份我哋嗌左两款，分别系肥牛同埋嫩牛肉。两款都好新鲜而且有肉味，肥牛较为簿身，脂肪同肉嘅比例啱啱好，见到啲雪花纹就知。🤤嫩牛肉名副其名真系好嫩！好滑，易咬，完全唔un！性价比来讲会推介呢款！真系好好食！👍🏻👍🏻手打三宝丸半份 $49三宝丸分别系墨鱼，牛肉同埋虾。个人最钟意虾滑，入
今日嚟到西环打边炉，估唔到西环竟然有间坐得舒服，环境又好嘅火锅店！
呢间系楼上铺，入到去劲宽躺，我哋两个人坐呢个窗边嘅卡位超阔落！啱晒情侣黎打边炉，静静地又舒服。
首先入到去服务劲好，有围裙附送，唔惊整污糟件衫。而且服务员会即刻攞碗糖水话俾我哋暖下胃先！可以一路食一路等个炉滚。
呢度点餐都好方便，系用QR code，而且所有食物都可以点半份，可以试多几样！
汤底方面，梗系要试佢呢度出名嘅麻辣锅，我哋点左鸳鸯锅，另一款就拣咗猪骨汤底。(汤底 每位$38)
见到啲辣椒铺就满晒，超级正！啱晒钟意食辣嘅人！
麻辣锅嘅麻辣好香，不过真系几辣架，但系食得好过瘾，配牛肉食好正。
猪骨汤就鲜甜，清清地。
因为可以嗌半份，所以我地嗌左超多样𩠌，劲丰富！
🤩个人强烈推介嫩牛肉同埋大刀牛肝😋😋
美国安格斯优质肥牛半份 $119
晓宇嫩牛肉半份 $42
牛肉部份我哋嗌左两款，分别系肥牛同埋嫩牛肉。
两款都好新鲜而且有肉味，肥牛较为簿身，脂肪同肉嘅比例啱啱好，见到啲雪花纹就知。
🤤嫩牛肉名副其名真系好嫩！好滑，易咬，完全唔un！性价比来讲会推介呢款！真系好好食！👍🏻👍🏻
手打三宝丸半份 $49
三宝丸分别系墨鱼，牛肉同埋虾。个人最钟意虾滑，入面真系食到有虾，足料！
当然三款嘅味道都唔错，口感弹牙。
不过份量如果多啲就好😝
鸭血半份$42
鸭血配落麻辣锅简直系一流！
大刀牛肝半份$46
推介呢款！好特别出面比较少见！中间仲有个蛋黄，而且配送辣粉可以点。服务员教我地捞匀啲蛋黄，之后放落个锅度，之后再掂啲粉食。牛肝好嫰，而且厚身啖啖肉，而且感觉食材好新鲜！
莴笋片 白萝卜 甜粟米 半份 ($22 $16 $18）
皇帝菜一份（$32）
蔬菜方面叫咗四款，比较特别嘅系莴笋片同埋皇帝菜。服务员教我地莴笋片放落锅中10秒内攞上嚟，咁样食会比较有口感！又脆又爽！
皇帝菜就唔系个个都接受，不过我哋两个都好钟意！超级新鲜，而且菜放落锅中系超级入味！不过放落麻辣锅就真系太辣😂
白萝卜同粟米就好甜。
罗汉果
因为麻辣锅太辣嘅关系，我哋都系点左罗汉果饮。好好味，甜得来唔会太漏，而且非常解辣！顺便清热～
总括来讲呢度啲食物好精致，唔会话太大份，但系样样都好新鲜！
如果有时想食得舒服，享受个环境，黎个火锅fine dining，依度系不二之选。🤩
张贴
