更多
2016-01-20
1587 浏览
今日同同事出去办事,就系出面解决中午果餐,呢边唔知有咩好食,就行左下系附近揾食,行到麦奀云吞面时,闻到都几香,不过环境一般,间店好细,本嚟仲想继续揾下先,但又饿了,就拣左呢间喇,同人地拼台。虾籽捞面,睇上去几多虾籽,面可以比你自己拣粗细嘅,呢个系细面,就咁睇落唔系几好味咁,但我同事话味道都可以,酱汁几浓,淋落去面度都几吸收,再加上虾籽嘅口感,觉得都算OK。我要左个都算呢度嘅招牌菜,云吞面,分量唔大,对男嘅嚟讲可能会唔饱。我都系要左细面身嘅,比较细软,但口感几好,比枧水面口感要好少少,云吞入边有一只完整嘅虾,好新鲜,仲几弹牙,云吞面嘅汤底都好重要,汤都好鲜甜,都几好味。
张贴