大家樂 (已結業)

好耐未試過係大家樂食下午茶,而家真係多左好多款式,又吉列豬扒系列又乜乜系列咁,但係我始終鍾情於經典既豉油皇雞脾,不過,原來而家一個雞脾餐(另可揀蜜汁雞脾)已經跟通脹升格到咁高價,要$18一個!咁見佢無論係配普通飲品定係紅豆冰,都唔使加錢,咁梗係要後者啦!豉油皇雞脾比起以前好似瘦左少少,同埋唔係好「豉油」,反而似燒雞脾多一點,個皮幾香,但係爛爛地,好在味道OK啫!雞脾肉質一般,唔算肥,都係燒左少少脆口既位置最好味,因為都算少少油,所以食完都幾膩…至於紅豆冰,對大家樂出品唔會有太大期望,一如以往,腍腍既紅豆,淡淡既奶,預左。只係而家俾左支粗身飲管(珍珠奶茶果D),更易將豆豆吸上黎。