鳴越越式料理

营业中

休息中

星期一至五嘅上环，平时都车水马龙，周末就少左啲繁忙。心血来潮想食越南嘢，就谂起近近地office但系又唔成日去嘅鸣越。由中环或香港站行10分钟，或者上环站出口对面就到。一入门口就见到好多画，直到入去都系。同朋友坐低左就望下个餐牌。我地点左一碗生牛肉汤河，软壳蟹米纸卷，大虾米纸卷，lime coke同埋咸柠梳打。饮品先到，我order既咸柠味道啱啱好，唔太甜。然后到碗pho上。首先portion分量几大碗，特别系牛肉嘅分量几多，牛亦系新鲜手切肥牛，比普通火锅肥牛有口感。再食其余嘅嘢，汤底味道清香唔太咸，伴碗芽菜及洋葱新鲜。值得一赞👍🏻然后两个rice paper roll。大虾🍤新鲜，点上酸汁感觉清新同与内里嘅材料相配，里面嘅香叶味好突出。软壳蟹rice paper, 一啲都唔油腻，炸得啱啱好。总括而言，食物分量大，较健康唔油腻，几适合一家大细，系响中西区CP值几高嘅餐厅。