海鯛魚湯專門店 (已結業)

今晚又要OT, 同同事五点几系太古坊附近来个速食, 再赶返公司继续驳杀。今日终于食到呢间一直好想试, 主打鲷鱼汤底嘅餐厅, 餐厅地方整洁企理, 六点前仲有午餐、下午茶等套餐供应, 更加抵食。海鲷鱼片乌冬套餐 (配带子刺身、罐装可乐)奶白色汤底, 面层布满了多片无骨海鲷鱼片、木耳丝, 豆卜丝、海带等配料;汤底鱼味浓郁, 富有鱼鲜味, 乌冬软淋, 稍为吸咗汤底精华, 啖啖鱼鲜味, 海鲷鱼片够滑, 而且啖啖肉。套餐配有两片带子刺身, 肥美, 鲜甜味十足。三文鱼腩 (2切): 非常厚切, 口感爽, 充满鱼油香。猪软骨鲷鱼汤乌冬:同一鲷鱼汤底, 放上了调味过嘅猪软骨, 令汤底多一点猪肉味, 猪软骨有少少肉相连, 软骨微微爽脆。另外套餐再追加了白桃梳打。