一鳴丼食堂

营业中

休息中

之前试过一鸣拉面，觉得唔错，而今日又想食下丼饭，所以就试埋系一鸣拉面旁既一呜丼食堂。好好彩今日早左少少去唔驶等位，入坐之后已经有2台人等紧。装修都系一般日本餐厅既设计，感觉都几光亮整洁，餐厅有做足消毒清洁，某程度上令食客都安心不少。餐牌同埋落Order既纸系同一张，直接写要边一款，系好方便既。今日好想食丼饭，而我最爱既系海胆同三文鱼子，所以就叫左个北海五品盛，呢个盛有牡丹虾，带子，油甘鱼，三文鱼，海胆同三文鱼子。一眼望落去就知呢个盛既主角系牡丹虾，真系好大只，新鲜好味。但我眼中既主角系海胆，第一口梗系要食佢啦。大大啖，鲜甜到呢。其实呢个北海五品盛真系好大碗，而D鱼生真系几新鲜下，份量又多，呢个价钱有咁既质素同份量，都算抵食。食完个丼饭已经劲饱，但个炙烧馒鱼寿司卖相太吸引，其实味道都相当唔错，个酱做得唔错。