呢度主打西班牙菜, 不過同我地前排係西班牙食既都好大分別, 可能就係fusion掛.....?
首先先叫2杯白酒, happy hour有買一送一呢~
叫左一杯普通同一杯甜d既~
甜果杯真係好啱女仔口味~~
叫左2款starter
一個係辣肉腸無花果多士
無花果好清甜, 辣肉腸亦夠味, 再加上香脆既多士, 唔錯唔錯~~
另一個就係3色pizza
3件細細pizza, 3款口味~
第一件係雜菌 -- 菇味不夠香同突出, 加上冇任何醬汁, 有少少乾
第二件係芝士蕃茄 -- 雖然係好基本既配搭, 但係pizza面屠有厚厚既芝士粉, 鍾意芝士既人一定會好鍾意
第三件係泡菜 -- 第一次食泡菜pizza, 不過不失, 泡菜不夠辣
比較推介以下兩款主菜
四川麻辣西班牙炒紅蝦意粉
雖然係麻辣, 不過其實都唔會太辣, 反而唔覺得麻, 意粉辣辣地, 幾開胃~
相比意粉, 我更欣賞紅蝦!!
4隻大大隻紅蝦, 蝦頭有好多膏, 蝦身肉質鮮嫩, 口感似食緊甜蝦刺身, 食得出d紅蝦好新鮮!!!
泰式醬慢煮三文魚配野菜
原本以為泰式醬係少少辣, 原來呢個泰式醬係甜甜地, 同三文魚一齊食又幾夾
另外可能係慢煮, 三文魚d肉質好滑, 又唔油
野菜雖然係配菜, 不過都絕對唔馬虎!!
最後當然唔少得甜品啦!!
Brownies配菠蘿醬 & 檸檬撻
Brownies同平時食既一致差唔多, 不過連同上面既菠蘿醬一齊食就好清新, 可以減低Brownies既甜
另外, 檸檬撻同樣好fresh~ 酸酸地, 唔會太甜, 大愛呀!!
因為仲係happy hour時間, 所以再叫多2杯cocktail~
酒味唔太多, 不過不失啦
呢度價$雖然有少少貴, 但係見到每一道菜都有花心思, 亦有驚喜
每一個侍應都會好耐心為客人介紹, 十分欣賞
用餐其間仲聽到侍應同其他客講佢地有4款menu, 要試哂呢度既菜式要黎多幾次先得喇!!
