名廚 (恆豐工業大廈) (已結業)

今日嚟到位於土瓜灣恆豐工業大廈地舖嘅名廚食飯，名廚喺紅磡嗰度都有分店㗎，工業大廈呢邊就走大排檔風格。除咗早餐之外，仲有粉麵飯，餐前小食，每周廚師特別推介，小菜套餐等等添。除咗頭先我啱啱提到嘅嘢之外，仲有一啲預訂海鮮同時令推介。當紅炸子雞炸子雞嘅外皮好脆啊，皮下脂肪亦都唔會多。雞肉入口非常之嫩滑，調味得宜，咬落仲有肉汁添。上湯菜膽雞依個雞肉亦都係嫩滑嘅，加上有菜等等，令到成個小菜更加健康。黑椒牛仔骨黑椒嘅味道好香濃，個汁入口唔會太油膩。牛仔骨煮得好入味，肉質亦非常之鬆軟。豉椒炒大蜆蜆肉又大又鮮甜，豉椒調味啱啱好，唔會太濃味，大蜆炒完之後亦都好有鑊氣。蠔皇扣鮑螺片螺片入口彈牙，仲好大片添，配上蠔油一齊食令到成個螺片更加好味。咖喱牛腩煲牛腩煮得好入味，肉質係偏軟嘅，咖喱亦都唔會太辣，呢個牛腩煲都有份量。蒸倉魚倉魚魚肉鮮嫩，完全唔腥，令加上有豆豉等等，令人非常之開胃。整體來講，名廚無論係食物質素方面同價錢方面都非常之吸引，唔怪之得夜晚嚟到嘅時候，都有咁多人嚟捧場啦。