雲海日本料理

营业中

休息中

平日午餐時間，舊上司一早book左兩位。十二點半左右去到，未係好多人。餐廳間隔好闊落，好岩同朋友食飯傾偈。以酒店價格黎講，lunch set 大概$350起，價錢算合理。我地分嘢叫左壽司定食同銀鱈魚定食，有前菜，刺身同主食。因為朋友唔想食刺身，可以轉做天婦羅。今日前菜係日本蒟蒻，唔係好岩食😅😅天婦羅好脆，食落完全唔覺有層粉，好似生炸咁👍🏻👍🏻銀鱈魚入口嫰滑，壽司新鮮。最後仲有一碗稻庭烏冬。整體環境、服務、食物都非常滿意。