🎉HIKA三周年優惠晚餐 $680/位
由前菜食到落甜品，共13道菜式！
🐟燒鱈魚棒 Free
三周年優惠奉送嘅餐前小食，晚市二位或以上就會Free一客！
🐚前菜2款
酒盜芝士餅 - 酒盜加埋芝士嘅鹹香，有效喚醒味蕾！
黑梅貝配螢光魷魚 - 黑梅貝煮到軟淋入味！螢光魷魚一口爆膏！
🐟季節魚3款
鯛魚 - 口感柔軟，鮮味十足！
拖羅 - 超厚切，魚味香郁極肥美！
黑鯥 - 輕炙過後，帶甜美嘅油香！
🍣A5和牛海膽壽司
火炙出油香嘅A5和牛，入口軟滑甘香，海膽帶來額外嘅旨味，真係wonderful！
🧈特色鰻魚卷
卷住肥美嘅蒲燒鰻魚、爽口嘅明太子、同埋蛋沙律，呢個配搭出奇地咁滋味！
🐟西京醬燒季節魚
是日嘅季節魚係鰆魚，脂味豐厚！加埋西京醬同埋洋蔥絲，份外惹味！
🍢免治雞肉棒伴玉子
醬香怡人，加埋生蛋黃，又滑又濃郁！
🍤龍鬚海老
外層酥脆，入面保留到海老嘅鮮味！
♨️帆立貝茶碗蒸
滑溜嘅茶碗蒸，加埋帆立貝同埋生紫菜做嘅芡汁，好食！
🍜熊本天草雞素麵
清雞湯香郁，帶一點點油份！幼身嘅素麵又滑又彈牙！
🍨甜品
開心果雪糕配紅豆，正！
