星洲總廚 (大全街)

营业中

休息中

曾經聽朋友講過呢間啲叻沙好出名，咁啱呢晚行開就黎試試。餐廳感覺舒服地方寬敞坐得好舒適。雖然呢日天氣突然好惡劣，因為食得好開心，所以完全冇影響心情。呢間餐廳嘅嘢食真係好好食👍🏻性價比好高。滿堂椰槳飯豬頸肉大口感、豬扒香口、花生香脆、魚仔惹味、腩肉入味所有調味都剛剛好，配合埋煎蛋，非常豐富澎湃，飽肚之選招牌8安士厚切豬扒飯豬扒非常厚實香脆，配埋蔬菜、特色醬汁真係一口氣清碟，美中不足係豬扒燶咗少少，有少許硬感覺。檸檬草雞肉叻沙+摻摻呢個真係大贊👍🏻湯底有點酸加椰香味道非常特別，配料魚蛋豆腐卜，非常入味，面層係粗麵、底層係類似粉絲嘅米粉，有芽菜。所有嘢配合得非常完美。呢間餐廳我絕對會再次食