悠蔬食 (渣甸中心) (已結業)

个人好钟意食蔬菜，亦好注重个人健康。平时间中都会食斋，清理一下肠胃，呢间「悠蔬食」位于铜锣湾繁茂地带，地铁一出行数分钟就到。布置装修，以白蓝色为主，日头有阳光照射少少，环境非常舒适，简洁明亮。叫左个午市套餐先黎沙律，汤和饮品。一试沙律我已知道呢间餐厅会有惊喜，蔬菜好新鲜，好爽口。少少酸酸甜甜，令人打开了个胃。个汤系西洋菜南北杏罗汉果汤。个汤劲足料，其实仲有粟米、眉豆等汤材，好甜，好健康。芋头栗子杂菌燘豆腐卷煲配珍珠糙米饭顾名思义，由多种菌类和芋头煮成，有汁，𩠌饭一流。糙米饭有粒粒口感，头几啖最有感觉，因为有黑芝麻系上面，咬落去有少少脆脆的，好特别。见啲嘢食都几好食，我决定食埋佢嘅甜品，加$20耶香紫薯千层班戟淡淡的紫薯香味，食落口中，觉得自己食紧紫薯但系唔系紫薯系班戟😂证明厨师落足料。👍🏼👍🏼👍🏼顺带一提，唔会好甜，适合少甜主义者。