MOBIN

营业中

休息中

位置系正麦花臣球场对面嘅楼上cafe，装修以工业风格为主，主打自家制墨西哥菜，食物水准够高质，午市仲有饮品半价优惠。南乳版德国猪手紫酸菜芝士馅饼 $88馅饼口感酥脆食落好香口，内里猪手肉嘅咸香味加上紫酸菜嘅清新口感味道十分之夹，中间铺上嘅酸忌廉同饼身嘅半溶芝士令味道更丰富，点埋佢哋嘅自制牛油果酱同粒粒蕃茄酱口味更一流😋。芝士牛肉汉堡 $128夹住大大只流心蛋嘅芝士牛肉汉堡，一啖咬落系酥软面包继而系爆开嘅香浓蛋浆，最后系主角浓郁芝士同超多汁牛肉汉堡扒，美味又够juicy👍🏻。Mobin香烤苹果焦糖酱甜脆饼 $108上面系雪糕同烤至金黄色嘅香甜苹果，中间系铺满焦糖酱嘅甜甜脆饼，卜开脆皮后竟然仲有松软海绵蛋糕，卖相同味道都非常出色嘅甜品。香料蜜糖柠檬姜汁气泡水 $60饮落有阵好香嘅香料香味，味道甜甜酸酸咁仲有姜味余韵，整体感觉好清新。红莓水果酒 $60入面嘅水果有红莓、苹果、橙、蓝莓等等，虽然叫水果酒但其实全无酒精，味道清新香甜好啱女士饮。