影片
更多
2015-03-10
4064 浏览
成日话好少黎香港岛哩边，但机会总系接踵而来，今日又黎到湾仔喇，做完野又到午饭时间，我唔客气了 再次喺附近，上次食过哩间嘅【巴东牛肉】，卖相系怪咗啲，但味道的确唔错，就做返次回头客啦 今日我嘅目标系【海南鸡饭】～上次黎【莎巴】系happy hour时段，望住菜谱，花多眼乱，样样都好好味咁，我用咗成个字先决定到食乜 今日黎到门口，见到set lunch有海南鸡饭，真好彩，唔驶烦～我未到12点就入坐，入面唔系好多人，快快坐低落order先～【热咖啡】一杯～热辣辣嘅一杯咖啡，附上牛奶一小杯，黄糖一包～咖啡味道冇乜特别，但还算浓郁，亦冇奇怪嘅苦涩味，比一般货色要好嘅出品除非你有特殊喜好，如果唔系牛奶就唔驶加喇。糖我就成包落喇，落完都唔系点甜差唔多同时上台嘅系【mussel 忌帘汤】一碗，汤味还算鲜，冇局部咸，质感整体适中，味道中规中矩，一碗汤居然有成8粒左右嘅mussel，都几慷慨，不过都唔系咩新鲜货 汤够热，饮落都算舒服～汤饮到差唔多，主菜【跟餐版海南鸡饭】就上台了 份量对我哩个大男人黎讲系比较少的，先试试啲油饭。。。鸡油味几香，比尖沙咀【好时沙爹】嘅出品要黎得香，食落味道都唔错，食到有少少姜
上次黎【莎巴】系happy hour时段，望住菜谱，花多眼乱，样样都好好味咁，我用咗成个字先决定到食乜 今日黎到门口，见到set lunch有海南鸡饭，真好彩，唔驶烦～
我未到12点就入坐，入面唔系好多人，快快坐低落order先～【热咖啡】一杯～
热辣辣嘅一杯咖啡，附上牛奶一小杯，黄糖一包～咖啡味道冇乜特别，但还算浓郁，亦冇奇怪嘅苦涩味，比一般货色要好嘅出品除非你有特殊喜好，如果唔系牛奶就唔驶加喇。糖我就成包落喇，落完都唔系点甜
差唔多同时上台嘅系【mussel 忌帘汤】一碗，汤味还算鲜，冇局部咸，质感整体适中，味道中规中矩，一碗汤居然有成8粒左右嘅mussel，都几慷慨，不过都唔系咩新鲜货 汤够热，饮落都算舒服～
汤饮到差唔多，主菜【跟餐版海南鸡饭】就上台了 份量对我哩个大男人黎讲系比较少的，先试试啲油饭。。。鸡油味几香，比尖沙咀【好时沙爹】嘅出品要黎得香，食落味道都唔错，食到有少少姜，但感觉淡咗少少，不过哩个只系一时间嘅感觉，因为一碟饭嘅味道系要睇整体加嘛 当我夹一件鸡同啲饭一齐食嘅时候，居然会俾到我一种完全唔一样嘅感觉。净系食鸡嘅话会觉得几有鸡味（讲紧肉连皮一齐食嘅情况下），虽然唔系件件都滑，但味道唔错，不过感觉上好似唔多够油香。。。但两者配合一齐食嘅时候，鸡嘅味道就弥补咗饭唔够味嘅问题，而饭嘅油香同时令啲鸡油香起黎，好！食得好舒服，上上之作 顺带一提，鸡嘅味道同口感同【好时沙爹】嘅出品颇为相似，鸡味一样地足够（总觉得近年啲鸡冇咩鸡味，同20几年前街市货差得远，唔通系宜家啲鸡食得药多），一样唔系件件滑，唔通系海南鸡嘅特色？
付上嘅姜蓉味道偏淡，但同鸡饭一齐食嘅话，佢适当咁增加咗整体层次感嘅同时，又唔会影响咗本来食落好舒服嘅感觉，唔加可惜
值得一提嘅系甜辣酱，系甜中带辣，味道调得啱啱好，完全唔会过甜或者过辣，又或者有甜辣不相容嘅奇怪感觉，口感清醇，食落非常舒服，系我食过最好嘅甜辣酱 唔知系自家出品定系买返黎嘅呢
鸡饭食完之后，侍应收走空碟，set lunch嘅甜品就随即奉上。（服务唔错）今日嘅甜品系【椰汁糕配椰丝】，清甜嫩滑嘅椰汁糕，配上怀疑用黄糖处理过嘅椰丝（比一般食到嘅白色椰丝要甜少少，自家制造？？？），一清一稍为甜，一滑一粗，粗中带幼，层次分明，又一诚意之作
埋单，盛惠75加一，83蚊～以哩个套餐嘅高水准黎讲的确物有所值 但以好似我咁嘅男人黎讲就只有6成饱了，食完总觉得差咗啲乜咁（可能饮返杯水之后感觉会好啲。。。。。。啊，佢地冇俾到水我），所以我行咗出门口之后，我就继续揾食了
张贴
