光榮米線 (已結業)

大佬做完facial 就去附近食埋嘢先回家，駱駝漆有好多嘢～ 光榮米線其中一間成日食嘅～米線都係車仔麵叫法～ 自己揀餸。佢都有啲set好咗嘅，有選擇困難不妨考慮下。大佬叫咗酸辣湯小辣，酸酸辣辣夏天食幾啱～ 餸就叫咗醃得入味又惹味嘅辣腩肉 、辣雞翼尖、清甜嘅蘿白、仲有大大件炸豬扒同春卷。可惜豬軟骨賣晒，之前食過係幾好食嘅～ 米線煮得剛好唔會太淋，可以轉鳥冬或者菜底～除咗米線仲可以叫返常餐，今次就叫咗雞扒辛辣麵，佢哋本身嘅設定係出前一丁，轉辛辣麵都唔使加錢。雞扒大大件，煎得香脆。仲有煎雙蛋同埋麵包，加埋嘢飲就一定夠飽