五穀豐收 (已結業)

系附近买完野跟住要揾食， 老公话要食蕃茄汤底， 咁岩呢度有， 一于试下啦叫左2个餐， 呢个系蕃茄汤牛腩&泰式烧肉米线。 汤底色水好靓， 但饮落唔重蕃茄味， 应该有落茄膏， 呢度sell健康野但蕃茄汤少鲜茄味仲落埋茄膏就真系唔合格啦。 唔够味落埋薯仔一齐煲其实已经好甜， 成本亦唔贵呀！ 𩠌方面味道唔错既， 牛腩够淋又入味， 可惜得2旧。 烧肉都系2旧， 皮已经唔脆了， 肉质好鞋好实， 但肉味几香， 食唔到泰式既感觉， 可能泰式同港式无咩分别。五谷饭配西柠鸡翼到。 卖相几好闻落好香柠汁味， 仲配左份我唔知会有既豆腐， 第一印象相当好。食啖饭先， 有点干硬， 我屋企食开红米饭都唔觉有咁硬。 睇唔出有五种谷物， 不过无所谓啦， 个饭捞左柠汁好好味， 因为个柠汁做得唔错， 但餐牌明明系写西柠， 黎到无论片柠檬定个柠汁都令我觉得佢系普通黄柠檬。鸡翼已经唔脆， 但个汁好味补救返！ 整体都唔错。 最惊喜系个豆腐， 好滑而且豆味相当浓厚！ 劲好食！跟餐有糖水， 拣左最贵果系列， 仍然好抵！海底椰椰汁西米露， 椰汁好香， 海底椰都唔少， 正！椰汁黑糯米， 又系椰汁好香， 黑糯米煮得软糯， 又系正！