烏龍燒 (已結業)

呢晚约咗家人食生日饭，知道主角钟意食烧物，于是约咗嚟食串烧。烧超鲜味海螺串嘅螺肉鲜味弹牙，好味! 烤鸡肾串爽口无腥味，送酒一流! 烧原只生蚝铺咗厚厚嘅蒜蓉烧，不但香口，仲调出蚝嘅鲜味，正! 烧韮菜最怕烧得太干，呢度嘅火喉刚好，韮菜食落爽脆。烧鹿儿岛豚肉串食落 juicy 唔觉肥腻，豚肉充满油香。串烧义烧肋排粒好惹味，肉质肥瘦适中，腌得入味。铁板仔汁煎鳗鱼几特别，原块鳗鱼以铁板热住上。蒜蓉牛油焗什菌入口满满牛油香味，加埋蒜蓉真系绝配。鸡软骨串好脆口，食完一粒又一粒。日式炼奶烧麻糬嘅麻糬外皮微脆，内里烟烟韧韧，可以点埋炼奶同花生粉同吃，味道更丰富更香。脆脆蜜糖烧香蕉有惊喜，香蕉面加咗啲糖去烧，所以等佢稍为放一阵之后，就会有层焦糖盖面，而香蕉就暖暖哋，但又唔会烧得过软，点埋黑朱古力酱或者榛子朱古力酱，真系劲好食呀! 雪梨红枣桃胶糖水系店家送嘅，估唔到有桃胶咁落本，食完一轮烧物，再食返碗糖水润返，热气全消。