長洲角酪 (已搬遷) 新店位置

長洲角酪想試咗好耐，但有幾可入長洲吖，而家尖沙咀有，堅開心。叫咗個甘露角酪，畀多兩蚊加份紫糯米。杯飲品真心好飲，乳酪味濃，酸味味中帶有奶香，口感夠稠，唔會水汪汪，香港唔多飲品店做到呢個水準。入面嘅芒果，紅西柚同鮮柚子份量都算多，啖啖果肉，好正😍。至於紫糯米微甜，口感軟糯，同杯飲品意外地夾。值得一提，杯上面有片小小嘅紅葉，造型討好，非常吸睛。