歡樂大排檔

营业中

休息中

一行十人開心食生日飯，未試過食飯食到一肚氣。金沙涼瓜片又咸又油又唔脆，勁難食。一品雞，凍而無味，唔知食緊咩肉。瑤柱蛋白炒飯，好細碟。南乳炆齋，味道單一，好多汁，一啲好鹹一啲無味。鳳梨生炒骨，肉質好硬，掛唔到汁。所有食物都好差。最後準備切蛋糕時，職員攞出2個蛋糕，有一個蛋糕被跌爛，水果全部整跌晒，沒有道歉，只有不停解釋強調唔關佢哋事。仲好話第二個蛋糕無事，不停解釋佢哋蛋糕會好小心處理，絕對唔會跌爛蛋糕，但事實就係蛋糕爛咗。非常不負責任。此餐廳我已食過多次，一向正常。但今日嘅食物真係好差好差好差。以後唔會再幫襯。