囍點坊點心專門店 (已結業)

中午唔想行咁遠，惟有去附近點心小店食午飯。平時見該小店無乜客，對食物質素都唔會抱好大期望。入到去果然都係無乜客，問啲阿姐野又十問九唔應！我地好似自己同自己講野咁！啲阿姐態度真係好惡劣😤😤洗洗下杯、碗，突然有隻死烏蠅（細size）跌左落洗碗水度！乜間店咁污糟😵嚇死😱😖點心都還好，雖然正正常常無乜驚喜，但好彩起碼唔係難食！埋單2人合共$143，唔算貴！但小店應該注重下衛生，見店內的櫈的皮面好多都爆裂哂，枱面、杯碟都唔係話太清潔。仲有，我好驚有烏蠅再跌落黎，所以成餐飯都食得唔太自在😣店員嘅態度亦極須改善！