漁釧 (V Walk) (已結業)

今日同學生補完習，去咗V Walk地下嘅一間日本餐廳食晚飯，餐廳裝飾好有日本 feel，彷彿去咗日本嘅魚市場一樣🤩。我哋叫咗幾個小食同埋兩個主菜，每樣嘢食都好出色🌟✨唐揚雞軟骨✨雞軟骨炸得金黃酥脆，咬落爽口，配上胡椒粉、沙律醬同埋檸檬汁，令人一啖接一啖，停唔到口😆✨壽司拼盤✨叫咗一個$168嘅壽司拼盤，有三個鐵火卷同埋七件壽司，最欣賞係炙燒鰻魚，油香十足；赤蝦香甜爽口，其他每樣魚生都好新鮮😆✨鰻魚炒飯✨鰻魚炒飯炒得好有鑊氣，粒粒分明，份量都大大份，兩個人每人可以得到三碗，調味亦都唔會過鹹，係飽肚嘅好選擇🤩。✨清酒煮蜆✨店員先會送上一個gas爐，即場為你焗蜆，牛油白酒味好重，每一隻蜆都係冇沙爆汁，仲要每一隻都開嘅，大大隻，好滿足🤩總括而言，係一間食物質素極高嘅日本菜小店。