利苑酒家 (新城市廣場一期)

营业中

休息中

之前為咗慶祝親人生日，選擇咗呢間位於沙田的中菜館。整體嚟講我覺得價錢咁貴嚟講，坐得都算幾逼夾，同埋真係環境太嘈吵。至於衛生同服務態度都幾好，經理都會肯幫我哋影相。我哋當日三個人就每人叫咗一個雙星組合(蟹黃翅加鵝掌鮑魚)、片皮鴨以及如意吉祥帶子，我哋唔算嗌咗好多嘢，因為我哋當日仲要食蛋糕。食物嚟講雖然我知道魚翅係唔環保嘅食物，但個蟹皇翅真係非常非常之好食，我本人讚不絕口。至於個鮑魚、鵝掌、同埋帶子都係色香味俱全，然而個片皮鴨就略為失色，因為當店員處理完之後基本上已經凍晒，味道亦都只係一般。三個人食咗$2400 ，食物都算值回票價，但係個環境就有待改善。