影片
更多
2008-04-29
114 浏览
一个三千蚊既十人席,食得大家好满意,抵赞!最impress我却系每道菜既卖相,做得十分精致,连碗碟食具都特别过人,例如一道上汤煎饺子,一只幼身叶形长碟,叶子一边放一小盅上汤,中间放两件小巧煎饺子,吃时将饺子浸一浸上汤,脆中带香,不油不腻,作为甜品前一道菜,为其他菜式划上句号,很好,比其他酒楼以饭或面作结更佳!话说回来,由头开始讲番其他菜式…先系点心拼盘,一个拼盘有三款点心,但系竟然都一小碟一小碟咁分三次上,食完一样到一样。有个黄金炸豆腐,一碟四件,细细件,好香好脆,真系做到外脆内软,个心既豆腐好滑,切开食时仲系热(其实细粒到唔使开食,不过我切开黎睇睇个心),皮薄又脆,食完先知原来呢道芓式曾得奖,怪不得!果然实至名归!之后系蟹王菜苗饺,竟然用蒸笼上!一笼一只饺, 菜苗饺做得精致,皮软而薄,馅有好多菜丝,仲有唔少蟹肉,清淡得黎好味。最后系萝卜丝酥饼,反而呢个同坊间其他酒楼差唔多,但系无咁油腻,清一点。跟住系南茸海皇羹,呢个个卖相先犀利,竟然系原个小南瓜上,仲有埋盖,十个人就有十个小南瓜!可惜我唔喜欢南瓜味,但系佢就南瓜味十分浓,相信嗜南瓜者必食!所谓海皇,真系有唔少虾,真材实料!略嫌质地太
话说回来,由头开始讲番其他菜式…
先系点心拼盘,一个拼盘有三款点心,但系竟然都一小碟一小碟咁分三次上,食完一样到一样。有个黄金炸豆腐,一碟四件,细细件,好香好脆,真系做到外脆内软,个心既豆腐好滑,切开食时仲系热(其实细粒到唔使开食,不过我切开黎睇睇个心),皮薄又脆,食完先知原来呢道芓式曾得奖,怪不得!果然实至名归!之后系蟹王菜苗饺,竟然用蒸笼上!一笼一只饺, 菜苗饺做得精致,皮软而薄,馅有好多菜丝,仲有唔少蟹肉,清淡得黎好味。最后系萝卜丝酥饼,反而呢个同坊间其他酒楼差唔多,但系无咁油腻,清一点。
跟住系南茸海皇羹,呢个个卖相先犀利,竟然系原个小南瓜上,仲有埋盖,十个人就有十个小南瓜!可惜我唔喜欢南瓜味,但系佢就南瓜味十分浓,相信嗜南瓜者必食!所谓海皇,真系有唔少虾,真材实料!略嫌质地太杰,颇糊口。
然后系唔知什么海参,我唔识食,又唔系十分好海参,所以no comment,只系觉得又系咁,唔系难食就得,无乜所谓。
然后有一味系用一个食得既兜仔做碗,里面装两只大带子,两旧西兰花,同样唔油,好味,带子仲好好地添!个兜都好脆呀!系味道淡左一点…
再黎系上汤浸时蔬,呢味真系清喇,都好呀,好多菜,上汤又香,一人一个小扁锅上,女士岩晒!
再上埋前面提到既上汤煎饺子之后,就到甜品登场,分别有西米合桃露同埋一碟两小件既糕点。合桃露好香合桃味,落合桃都应该几重手下,加左西米又几有特色,不过西米又真系无味既…合桃露做得唔会太杰,几好; 糕点有杞子桂花糕同埋奶皇卷, 桂花糕系心型,好靓,似喱,味道咁,仲有唔少杞子架,我喜欢! 奶皇卷味道同口感都似糯米,比较普通。
整体而言,食物好得!但系上菜太太太太慢,食完一道又要等,催左佢快d都系慢,系呢一点唔得!
张贴