影片
更多
2010-08-07
19 浏览
5月9日, 母親節晚飯, 度度都多人等位~ 呀比媽就提議食中東菜! 竟然唔洗等位之餘仲可以book枱! 是夜全店四、五張檯都坐滿人, 但全店樓面只有一個中東侍應生, 廚房應該得一個廚師. 眼見侍應接待遞水落單上菜全部一腳踢… 我地落完單之後起碼等咗半粒鐘先有得食!!::: 特式前菜(大) ::: $78叫咗一個特式前菜淺嘗一下中東人最日常嘅食糧! 主要有三種分別用豌豆茸、茄子茸同埋芫茜蒜頭碎整成嘅特式醬, 再用中東包點黎食~ 先讚下d中東包係即叫即整, 有8片, 夠熱辣之餘亦好香麵粉味!豆茸、茄子茸做嘅醬分左右兩邊擺碟面, 兩種醬個味都有d似, 都係酸酸地… 不過豆茸較杰身, 茄子茸質地就滑d~ 另外一個芫茜蒜頭碎個味呢, 我地全家都一致認為佢似薑茸… 個人認為豌豆茸配中東包就最夾最好味!::: 中東包 ::: $12由於d中東包太好味, 而d醬嘅份量又好多~ 所以忍唔住叫多一客!::: 羊奶沙律 ::: $68材料有d似greek salad~ d菜好新鮮, 入口勁爽脆! 麵包粒都好香脆~ 酸醋汁加番茄粒作點綴更加清新開胃! 主角羊奶芝士味道濃郁, 都有d羊羶味~ 怕羶嘅人就可能受唔
::: 特式前菜(大) ::: $78
叫咗一個特式前菜淺嘗一下中東人最日常嘅食糧! 主要有三種分別用豌豆茸、茄子茸同埋芫茜蒜頭碎整成嘅特式醬, 再用中東包點黎食~ 先讚下d中東包係即叫即整, 有8片, 夠熱辣之餘亦好香麵粉味!豆茸、茄子茸做嘅醬分左右兩邊擺碟面, 兩種醬個味都有d似, 都係酸酸地… 不過豆茸較杰身, 茄子茸質地就滑d~ 另外一個芫茜蒜頭碎個味呢, 我地全家都一致認為佢似薑茸… 個人認為豌豆茸配中東包就最夾最好味!
::: 中東包 ::: $12
由於d中東包太好味, 而d醬嘅份量又好多~ 所以忍唔住叫多一客!
::: 羊奶沙律 ::: $68
材料有d似greek salad~ d菜好新鮮, 入口勁爽脆! 麵包粒都好香脆~ 酸醋汁加番茄粒作點綴更加清新開胃! 主角羊奶芝士味道濃郁, 都有d羊羶味~ 怕羶嘅人就可能受唔到.
:: 阿根廷烤雞配飯 ::: $78
可能侍應太一腳踢… 原本配飯又配咗薯條… 阿根廷烤雞係厚厚嘅雞扒, 肉汁鮮嫩有好勁香草味, d 雞皮勁脆!! 錯配嘅薯條係幼身嗰隻, 炸得十分脆身, 而且無乜油, 美中不足就真係乾咗少少… 中間有兩兜野唔知點樣點, 求其點下薯條又幾好味wor~ 除咗雞扒薯條之外又會有d沙律菜跟碟, 同之前個沙律一樣新鮮開胃~ 正!
::: 特式炸羊肋配薯條 ::: $88
因為上個烤雞錯配咗薯條, 今次索性叫佢錯配番個飯比我地食! 呢個特式炸羊肋極重香料味, 應該為咗掩蓋羊羶味而勁落好似蒙古烤肉嗰d孜然粉~ 羊肋炸到外脆內嫩, 適量油脂令羊肋味道突出, 好味! 不過呢個羊就油咗d…
呢度店舖細細但裝修別緻玩晒燈光效果~ 食物同侍應服務態度都好好! 不過服務態度好又唔代表有效率, 出菜速度慢而且上錯菜亦係不爭嘅事實. 侍應不論落單同埋單都係用手寫同埋用算式計!!! 最後仲我地張單仲計少咗沙律錢… 其實我地都好滿意呢度嘅食物~ 但觀乎佢晏晝一枱生意都冇, 夜晚有生意又計錯數… 希望佢地真係做得長至好…
张贴
