普慶餐廳

营业中

休息中

生日當然要食自助餐，食自助餐當然要揀間黃嘅酒店食，全香港怕且得呢間酒店係黃。雖然唔係最出名嘅五星級酒店，但呢度嘅自助餐水準一啲都唔低，即使係 Lunch Buffet，生蠔，蟹腳，Parma Ham，各款魚生等等都源源不絕供應，食物款式及種類非常多，食到飽一飽，都剩係試咗眾多食物 counter 嘅冰山一角😂，真係要嚟多幾次先可以試得哂。自助餐食物太多，唔逐一評論啦，較為印象深刻嘅係蕃茄蟹粥，蟹嘅鮮甜同蕃茄嘅清香非常配合，好好食👍，另外就係生蠔，雖然比較細隻，但海水味濃郁，又係高質之選。值得一提嘅係自助餐供應嘅配料同醬汁非常多（應該係我見過最多嘅），特別係海鮮類和肉眼扒及羊架類，一支支一碟碟調味料擺到成枱都係，令人花多眼亂，簡直有選擇恐懼症😆。不過，咁樣就正正引證咗呢度嘅自助餐絕對係一絲不苟， 認真又高質。