千萃咖啡 (已結業)

1:25入到座，叫左2份all day breakfast另加2杯熱檸蜜，waiters & waitress似喺仲讀緊書嘅學生，等待時間既同時和我老公就喺度傾計同電話上網啦，不知不覺都等左好耐食品未黎(50分鐘)，刀叉有冇俾我哋先，入到黎座即時叫嘢食到有得食足足等左我地50分鐘，我就問個waiters, 佢話幫我地落左單，之後service其他客唔記得咗我哋落個張單，之後又問返我哋係咪食呢兩份，其實佢根本冇同我地落單，只顧喺度同同事傾計，如果客人多人手唔夠有留單情況都情有可原吖，但係佢地客人又唔多人手又足夠都會留單簡直係垃圾舖

講下食物方面，佢最後上食物俾我哋唔使5分鐘就到，可想言之食物嘅質素有幾差有幾求其，食物又細份又少，啲嘢食又5熱/廚師腸係凍/雞蛋無味，杯熱檸蜜仲難飲，好似飲緊熱檸水咁冇味，檸檬得個1.5片仔，少得可憐，根本成杯嘢就冇味道，我老公都話冇下次唔會再嚟幫襯食，寧願去"咖啡灣"和"奶茶咖啡室"價錢合理仲好食過佢又食得飽肚。哩間垃圾咖啡室唔抵食又貴大家千祈唔好去，貼錢買難受。

啲嘢食又凍又少，嗰塊包得個六份一size咋

檸檬片小到可憐