而且大部份餐都百幾蚊 質素ok
所以經過荃灣偶然都會再嚟幫襯
但今日抱住個兩歲小朋友去食lunch
嗰時都已經成一點幾鐘
明明有幾張四人枱冇人坐，亦冇人等位
個中年男侍應guide位嘅時候
叫我同兩歲小朋友坐二人枱
我同佢講我要照顧小朋友食飯
坐對面好難做到
可唔可以安排一張四人枱
嗰時餐廳坐唔滿，亦冇人等位，而且已經一點幾
佢係極唔願意，聽唔入耳而且立刻黑面
最後態度好差好晦氣咁叫我坐四人枱
跟住我問佢有冇BB凳
佢完全冇望過我
然後好冇禮貌咁「冇呀！」
我真係嚇咗一跳
荃灣海之戀咁多餐廳我都揀咗嚟呢間
完全冇諗過會受呢啲氣
到底佢係咪老闆？
係咪可以隨便發客人脾氣？
其實食個餐牛扒龍蝦加個湯再+1都成二百幾蚊一個人
一諗到已經QR code落單，仲要+10%服務費
竟然仲要受呢啲氣 我覺得真係不可思議
我覺得一間餐廳請個正常既侍應真係好重要
無論廚房煮嘢食幾好
餐廳裝修幾靚
當請到一個當客係敵人咁嘅人
真係趕客
