金樂軒雞煲魚鍋

营业中

休息中

老友們選北角金樂軒雞煲魚鍋聚餐。地點不算方便，約在砲台站跟北角站間，各要走約10分鐘，相聚前下起紅雨，從砲台花園酒店路走過去較遠，而且無太多摭掩，下雨天要留意 。今次試咗幾款小菜，整體感覺有高有低。先講雞煲，是乾鍋沒有最後加湯變火鍋那種 。雞肉偏老，不過調味較濃，醬汁香氣同鹹香度不足，未能突出主菜本色，食落有啲失望。如果想追求重口味或麻辣刺激，呢款雞煲可能會覺得平平無奇。反而墨魚餅完全出乎意料，外層煎得香脆，入口彈牙鮮味突出，值得推薦。至於油鹽炒蜆，食落感覺油份控制得好，蜆沒沙算好，但調味太輕，感覺帶微腥，味道沒太大驚喜。如果想叫炸蛋吞，屬於中規中矩，外脆內軟，易入口但也不算特別突出。服務方面，店員親切主動，細心介紹菜式，會主動幫忙換碟。可惜當晚隔離台有幾位內地中年男大玩大話骰，太吵，不理解小店可以容許這樣做 。總結：墨魚餅絕對必試，雞煲則屬中庸，其他炒菜味道參差，整體氣氛適合朋友聚餐或家人小聚。