太興 (好順泰大廈)

营业中

休息中

今早入咗屯門搵朋友吹水吹到點幾鐘，夠晒鐘要返過元朗搞啲啲嘢，就告別朋友向元朗出發，落到元朗兩點幾又嚟有啲肚餓，喺西菁街見到間太興，入去食個燒味下午茶，眾所周知太興燒味貴，下午茶的確比較便宜，叫咗個燒鵝紅腸飯，飯嚟到不禁暗笑，嘩～燒鵝肶喎，雖然係上半肶，都已經超開心，正價燒味飯都無啦…何況下午茶餐，燒鵝肶真係特別好食，皮脆肉嫩又有柴火香味，紅腸都鹵得好，刀功仲好切得好薄，真係運氣話嚟就嚟，最後飲埋杯即磨咖啡，太興嘅即磨咖啡都係唔錯的。