影片
更多
2025-08-01
86 浏览
同同事收工經過見到呢間泰國菜門面幾吸引，同埋都真係好耐食過泰國菜所以即刻入去試一試！-沙嗲串燒拼盤🍢嗌咗幾串串燒（豬同牛），一上枱就聞到嗰陣香氣，真係忍唔住口水直流。啲肉燒到啱啱好，外層微微焦脆，裏面仲好juicy，啖啖都係肉香隔離嗰碗沙嗲醬 倒落去即刻加分！又香又濃，完全係肉串最佳拍檔-香葉爆炒肉碎伴生菜🥬呢碟香葉爆炒肉碎伴生菜真係冇得輸，一上枱就聞到陣陣香葉味，夾住炒得啱啱好嘅肉碎～香、辣、惹味一次過滿足！仲加咗啲新鮮芫荽，令整體味道多咗份層次感用生菜包做底，一啖包住熱辣辣嘅肉餡，個口感係爆燈！清爽得嚟又食得過癮，唔油唔膩，簡直係「罪惡感free」嘅享受。-小食拼盤呢個小食拼盤有香脆春卷、外皮微焦但肉汁豐富嘅雞翼、炸到金黃酥脆嘅蝦餅同魚餅🍗雞翼外層帶少少焦香，啖啖濃味；春卷皮薄餡靚，一咬落去脆得嘞嘞聲；蝦餅魚餅則係口感滑溜又唔會過油，搭配埋嗰碗甜辣醬，真係一好正！-軟殼蟹米紙卷🌯呢款米紙卷真係有料到！入面塞滿咗爽口蔬菜，好似紅蘿蔔絲、芒果、沙律菜，仲包住主角——炸到金黃脆卜卜嘅軟殼蟹。咬落去嘅時候，米紙透薄到好似唔存在，但口感勁豐富：旁邊仲有一碗醬汁，酸酸辣辣-熱情果沙冰🍹🧊果香濃
-沙嗲串燒拼盤🍢
嗌咗幾串串燒（豬同牛），一上枱就聞到嗰陣香氣，真係忍唔住口水直流。啲肉燒到啱啱好，外層微微焦脆，裏面仲好juicy，啖啖都係肉香
隔離嗰碗沙嗲醬 倒落去即刻加分！又香又濃，完全係肉串最佳拍檔
-香葉爆炒肉碎伴生菜🥬
呢碟香葉爆炒肉碎伴生菜真係冇得輸，一上枱就聞到陣陣香葉味，夾住炒得啱啱好嘅肉碎～香、辣、惹味一次過滿足！仲加咗啲新鮮芫荽，令整體味道多咗份層次感
用生菜包做底，一啖包住熱辣辣嘅肉餡，個口感係爆燈！清爽得嚟又食得過癮，唔油唔膩，簡直係「罪惡感free」嘅享受。
-小食拼盤
呢個小食拼盤有香脆春卷、外皮微焦但肉汁豐富嘅雞翼、炸到金黃酥脆嘅蝦餅同魚餅🍗
雞翼外層帶少少焦香，啖啖濃味；春卷皮薄餡靚，一咬落去脆得嘞嘞聲；蝦餅魚餅則係口感滑溜又唔會過油，搭配埋嗰碗甜辣醬，真係一好正！
-軟殼蟹米紙卷🌯
呢款米紙卷真係有料到！入面塞滿咗爽口蔬菜，好似紅蘿蔔絲、芒果、沙律菜，仲包住主角——炸到金黃脆卜卜嘅軟殼蟹。咬落去嘅時候，米紙透薄到好似唔存在，但口感勁豐富：旁邊仲有一碗醬汁，酸酸辣辣
-熱情果沙冰🍹🧊
果香濃郁得嚟又唔會過甜，入口即溶，果肉打碎成沙冰，上面仲堆得高高哋，啖啖都係清新酸甜，夏天飲真係好爽
-杞子桂圓茶 ☕️
杞子粒粒浸泡得剛剛好，唔淋唔硬，一啖落口滑溜中帶住淡淡甘香，桂圓肉係另一個驚喜，數量唔算少，而且甜度天然，真係非常順喉😛
仲要有智能機械人送餐體驗唔錯啵
张贴
