無肉食 (如心廣場二期) (已結業)

同一個食物種類不停重複又重複，款色勁少，未食過一間素食好似呢間咁差，味道唔係好食，而係似新手煮嘅一樣，只係熟左甘，唔好求味道有咩特別，炒菜冇鑊氣，樣樣菜都好似白烚咁，煎炸嘢全部都係淋嘅，唔香口，上既粉漿全部一模一樣，勁似新手上嘅粉漿，一忽一忽咁，生果只有車厘茄，糖水只有腐竹薏米，呢個糖水勁難食，擺咗好多薏米但係唔多覺有腐竹，湯剩係得南瓜湯，飲品只有一兩樣，飲落唔知似咩，啲炒菜嘅菜葉黃黃地，睇見都唔會想食，總之就無下次！仲有阿姐服務態度麻麻哋，安排座位混亂，收銀嘅男仔態度正常。