波士頓餐廳

今晚同老公諗住舊地重遊，我哋叫咗一份西冷扒、一份大蝦牛柳，另外叫咗一個龍蝦湯，仲想試埋個火焰雪山，所以叫侍應寫埋，同佢講明「叫起」，個短頭髮中年女侍應都話：「好，叫起啦，因為要整20分鐘。」
餐湯係正常嘢，接住嚟額外叫嘅龍蝦湯，睇樣係幾好嘅，點知飲落只係暖暖哋🙂‍↔️，個湯偏咸，有龍蝦肉（應該係雪藏嘅）、洋蔥粒😳同疑似紅蘿蔔粒😦，令到呢碗加一後成$80碗嘅湯超怪😑，都算，兩個扒到，我哋開始一路傾偈一路食，我老公大約食咗一半，而我大約食咗三分一嘅時候，嗰個落單嘅短頭髮女侍應走埋嚟，話叫起嗰個火焰雪山，我同老公對望咗對方份扒一下，同女侍應講唔洗咁快，一陣先「叫起」，點知過咗大約十分鐘後，嗰個短頭髮女侍應又走埋嚟話叫起，呢次真係嬲咗😠😠，我哋話都未食完，點解要咁急，佢仲講話要預20分鐘整，😠佢真係好趕客😡😡😡，我仲有半塊牛柳加兩隻蝦未食，點解要咁急呢？趕收工？個侍應太無聊？定係廚房要收工？但當時佢哋仲入緊客，我嬲到即刻叫另一個女侍應取消個火焰雪山，點知佢話未落單嘅，咁未落單都唔知嗰位短頭髮中年女侍應為咩事要咁趕，真係大癲，以後唔會再幫襯，不了‼️