上座 (已結業)

放左工唔知食咩好，隨意在街上走走，經過上座見有二人餐，店內貌似幾濶落又唔使等位，就食佢啦。睇中左呢個自選二人套餐，小菜有AB區之分，名碼實價。⭐例湯西湯係羅宋湯，中湯佢話係冬瓜紅蘿蔔湯，但味道同顏色都唔似冬瓜…幾甜幾好飲，究竟係咩湯黎呢？⭐上湯蒜子浸時菜上枱第一眼個感覺係廚餘😂賣相真係幾差，個上湯好杰身，菜細細碎碎仲要得好少…⭐椒鹽鮮魷腰果香口脆身，呢碟幾好食😋⭐香辣尖椒炒腩片落單先伙計發現電腦入面無呢款餸揀，究竟係從來無人叫，定一直都落錯單呢？尖椒微辣幾惹味，仲有啲雜菌同炒，下飯一流。⭐白飯正常份量嘅白飯🍚碟頭份量偏細，味道幾好，一A一B$168，無加一，ok啦。