經過閣樓市場 見到呢度韓式、日式、台式小食都有
凍櫃仲有超多嘢食 就決定買啲嘢返去加餸！
見到新出咗韓式🇰🇷爆餡三文治🥪
好耐冇去韓國嘅我 當然要試下啦😋
三文治係即叫即整 夠晒新鮮滾熱辣🔥
🦀軟殼蟹牛油果蛋沙律烤脆三文治（$58）
香脆嘅軟殼蟹 配上牛油果同埋碎蛋 餡料超多
口感豐富 味道濃郁 食到冇停口🤤🤤
除咗三文治 我哋仲買咗2款韓式前菜
分別係甜黑豆（$38/細份）同埋酸海藻（$38/細份）
送飯一流😆
食飯當然唔少得肉🥩 我哋就揀咗
黑安格斯牛舌芯（厚切）（$88）
美國Prime雙併火鍋片（封門柳&牛板腱）（$79）
牛舌肉質軟腍 封門柳同牛板腱肉味濃郁😍好好食
見到有即食糖水 我就買埋杏仁糊（$16）返去食🤣
埋單先知 原來提供名同電話就可以免費成為會員 買嘢有88折！
咁抵 我當然即刻join啦😆下次要再嚟買嘢！
