譚仔三哥米線 (逸東商場)

营业中

休息中

前一晚喺機場收工收夜咗，搭車嗰陣諗住撳定app外賣自取，打算落車就拎得。點知到咗屋企附近間三哥先發覺原來喺app唔記得改地址，張單去咗落單嗰陣default 最近嘅東涌鋪。即刻打電話問東涌鋪嘅姐姐可唔可以幫我留起個外賣佢，我第二日晏晝先過嚟拎，諗住麵湯分開，過一晚應該唔會變壞住，最多叮一叮。雖然一開頭有啲雞同鴨講，但最後接線姐姐都答應咗。今日去到東涌鋪，雖然今日當值姐姐已經搵唔到我張單同兜麵，但係都寫過張單叫廚房整俾我🥹。雖然只係幾廿蚊一個餐，但係真係好多謝姐姐嘅人情味。