渝味曉宇重慶老火鍋 (如心廣場) (已結業) 查看

渝味晓宇嘅重庆火锅相当出名，唔止佢个辣汤底正，我觉得佢个大骨滋补锅都好正！之前喺荃湾分店第一次食，我哋连汤都要饮埋，但系之后喺尖沙咀分店食，可能个汤比较稀，就觉得冇咁吸引，不过都唔错。每次去都见到唔少内地人喺度用餐，我估即系佢都算做得好地道挂。一坐低，餐厅会比碗糖水你润下喉，同埋提供即弃围裙，以免汤底弹污糟你件衫，都几贴心。鹅肠、肉丸、嫩牛肉都好食，蛏子都几好。虽然餐厅定价比一般港式火锅贵，但系食物质素唔错，对得住个价钱。渝味晓宇系好食，不过唔可以成日食，如果唔系会好容易食厌😝都系少食多滋味！💰: HK$300 pp (Dinner)💝: 8/10