天璞養生湯 (已結業)

阿媽呢排好懒，好少去煲湯，於是放工便來到呢間近朗屏站天璞養生湯飲碗靚湯。門面感覺乾淨整潔，餐廳播放輕音樂。牆身貼滿湯料藥材功效，養生湯選擇不少，由$48至$78不等，+$20仲有一客蒸飯。點了精選椰子燉烏雞，有清潤、養顏補虛強壯、益氣袪風、清暑解渴作用。靚湯用原個椰子裝住，熱騰騰送上來，揭開椰子蓋，發現入面有不少烏雞肉、椰子絲、杞子等，夠晒真材實料。燉湯好夠火候，湯料出晒味，椰香清甜潤澤，飲左幾啖頓覺活力！+$20跟豉汁蒸鯇魚飯：豆豉清香，豉油咸甜剛好，可以用黎撈飯食。鯇魚尾肉質鮮嫰，伴碟生菜嫰綠，成餐飯營養健康又滿足。