蘇山雞飯

营业中

休息中

系太子行街行到差唔多食饭时间就系附近揾嘢食，系蓝马之城见到呢间光猛有装修嘅餐厅，望下裹面都有唔少人食饭，门面几干净，再望望餐牌原来食鸡饭就入去试吓。餐厅除咗有单点食物外亦有套餐，呢间餐厅叫苏山鸡饭，餐牌有个招牌鸡饭，一于试下佢啦；友人唔想食咁多饭，就试吓佢个龙虾叻沙掺掺。天气凉，胃口大增，我地都叫多咗两个小食同两杯饮品。晚餐整体来讲满意，若果再经过会想试埋佢个走地鸡饭，咁多个菜式我最钟意招牌鸡饭，只鸡非常滑嫩，加埋酱汁捞饭一流，有啲后悔叫左油饭唔系白饭，哈哈，另外非常少见鸡杂汤，钟意食鸡杂嘅朋友一定唔可以错过。友人食既掺掺有一大只半边龙虾，加上浓浓嘅叻沙汤底，呢碗面亦都值得推介，好有趣呢个掺掺会包埋一个牛油咖央多士，热辣辣咁食非常过瘾非常好食。小食方面我哋叫咗通菜同埋小食拼盘，味道中规中矩，若果通菜少啲油就更好。饮品方面叫咗香茅薄荷德钦同埋恐龙美禄，薄荷特饮我就唔评论，但系恐龙美禄就非常好饮，若果大家喺太子真系可以试一试呢间苏山鸡饭。