藤本藍鰭吞拿魚專門店 (已結業)

好耐冇食過咁難食既野！
叫左個二人前套餐$398

個十件壽司好似lunch 已經搓好放到左成日咁，落完單都冇5分鐘就上菜。
刺身三點係大拖中拖同赤身各兩件，但都食唔完就叫佢地收走，個幾塊野完全冇味，睇落個樣極唔新鮮，食到想反胃。

諗住食個壽喜燒定定驚，點知碟肉好似雪幾日幾夜咁。個湯底都係得個甜字:(
條花魚一夜干燒到乾過柴。

最慘係連杯柚子蜜都可以冇味既。
簡直係浪費左個胃，完全唔知點好評點黎
食到一肚氣！係除左價錢ok 之外冇野ok,平時唔寫食評都要留返個字！