啡面喵

营业中

休息中

補一篇食評，5月中剛開張時吃的。無聊在新墟找找新意思吃飯，看到啡面貓的招牌，身為奴才的我看看招牌，有西餐，也有重慶的米線和小食，幾特別，看了一陣，老闆就出嚟介紹佢嘅餐牌，考慮一陣就入咗去。環境方面，小店，真的小，坐位應該可以勉強坐8人，氣氛舒服，不過凳嘅舒適度有待改善。問咗老闆有啲咩推介，佢推薦意粉類，最拿手嘅就係明太子蟹籽帶子意粉，再加一杯玫瑰latte就係我今晚嘅晚餐啦！食落幾好食，雖然有明太子但唔會太鹹，蟹籽比嘅口感都好好，整體而言呢個配搭係高分嘅。玫瑰latte水準OK，拉花技巧有進步空間。老闆都會主動問食物嘅質素如何，有冇需要改善嘅地方，希望未來會越做越好。